Baleshworram Dharmashala Butwal

पश्चिम नेपालको ब्यापार केन्द्रको रुपमा चिररिचित नाम बुटवल हो l बिगतका दिनहरुमा भारतबाट आयात हुने दैनिक उपभोग्य वस्तु तथा निर्माण सामाग्री तथा औषधिहरु यहाँबाट पहाडी क्षेत्रहरू पाल्पा , गुल्मी , अर्घाखाँची , प्युठान , रोल्पा , रुकुम , दैलेख देखि जुम्ला हुम्लासम्म र स्याङ्जा , कास्की ,बागलुङ , गोरखा , धादिङसम्म जाने गर्दथ्यो भने छिमेकी तराइका जिल्लाहरुका लागि पनि यो आपूर्तिको केन्द्र थियो l त्यसबेला यहाँ अधिकान्श भारतको उत्तर प्रदेश अर्थात भारतको सिमाना क्षेत्रबाट आएका ब्यापारीहरुको बाहुल्य थियो l तराईमा औंलो उन्मुलन भएपछि र यातायातको सुविधाहरु थपिदै जादा तराईमा पहाडबाट बसाइँ सरि आउने क्रम बढन थाल्यो र बुटवल बजार पनि आजको यो आधुनिक रुपमा परिणत भई उपमहानगरपालिका बनेको छ यो बुटवल उपमहानगरपालिका अब ब्यापार केन्द्र मात्र नभई शिक्षा , स्वास्थ्य , यातायात , उद्योग , पर्यटन , धार्मिक, वित्त, संचार आदि हरेक क्षेत्रमा अग्रणी भुमिका निर्वाह गर्दछ l

अहिलेको जस्तो सुविधा सम्पन्न होटल लजहरु त्यसबेला थिएन तथापी यात्रुहरुको सुविधाको लागि पाटी ,पौवा, ढाके बास , चौतारी , धर्मशालाहरु , निर्माण गरि लोकार्पण गर्ने चलन चल्ती थियो l यी कार्यहरू धर्म सम्झेर गरिन्थ्यो यसै सन्दर्भमा यस बुटवल नगरमा पनि यस नगरको एउटा प्रतिष्ठित व्यपारी धराना केशरी आफ्नो बंशजको नाममा ' बलेश्वरराम गणेशराम केशरवानी धर्मशाला` निर्माण गरि तत्कालीन राजा महेन्द्रबाट २०१५ सालमा उदघाटन गराउनु भयो l