अध्यक्षको भनाई :-

"हामी बिसाशय सामुदायिक बन उपभोक्ता समुहका सदस्यहरूको मुख्य उद्देश्य भनेको हाम्रो सामुदायिक वनलाई दिगो तरिकाले संरक्षण र उपयोग गर्नु हो यस क्षेत्रको वन स्रोतहरूलाई सस्तो र प्रभावकारी तरिकामा उपयोग गर्दै हामी स्थानीय समुदायको आर्थिक समृद्धि र पर्यावरणीय संरक्षण दुवैमा सन्तुलन ल्याउनको लागि प्रयासरत छौं हाम्रो समूहले वनबाट पाइने माटो, घाँस, दाउरा, र अन्य वन उत्पादनहरूको सही व्यवस्थापन गर्दै, वनको पारिस्थितिकी तंत्रलाई जोगाउन महत्वपूर्ण योगदान पुर्याइरहेको छ
हामी चाहन्छौं कि सबै सदस्यहरू एकजुट भएर वनका स्रोतहरूलाई दिगो र न्यायसंगत तरिकामा उपयोग गर्ने र भविष्यका पीढीको लागि सुरक्षित बनाउने कुरामा सक्रिय भइ काम गरौं यसका साथै, हामी समुदायमा वनमा आधारित व्यवसायको विकासलाई पनि प्रवर्द्धन गर्दै सस्तो र दिगो जीवनयापनको बाटो खोज्दैछौं"





सचीवको भनाई :-

"सम्पुर्ण उपभोक्ता ज्यूहरुमा नमस्कार"

विक्रम संवत् २०५४ साल श्रावण २५ गते समूहको गठन भएसँगै विभिन्न चरणहरूमा आरोह - अवरोहलाई छिचोल्दै विधान/ कार्ययोजना हस्तान्तरण देखी सामूदायिक वनले सा. व. को क्षत्रफल , वनको प्रकृति , जडिबुटी, पशुपन्छी तथा घरधुरी समेत कार्यक्षेत्रमा निर्धारण गरी सम्पुर्ण काम सम्हाल्दै आएको कुरा अवगत नै छ

यसै क्रममा वि. स. २०७६/०६/२५ गतेको दिन १३औं साधारण सभा तथा पाँचौं अधिवेशनबाट सर्वसम्वत रूपमा यस सा. व.उ. स.मा सदस्यको रूपमा निर्वाचित निर्वाचित भई सो कार्यकाल सा. व. उ. स. का नीति,नियम र शैलीलाई पच्छ्याउँदै कार्य व्यस्ततामा नै बित्यो यसैगरी २०७९/११/२६ गते फेरि सा. व.को १६औं साधारण सभा तथा छैटौँ अधिवेशनबाट फेरि पनि सर्वसम्मत संस्थाको मुख्य भूमिका रहने जिम्मेवार ( सचिव ) पदमा निर्वाचित भई यस कार्यकालका लागि सम्पूर्ण पदभार सम्हाल्ने मौका प्रदान गर्नु हुने यस संस्थामा आबद्ध १४५४घरधुरीका सम्पुर्ण उपभोक्ता ज्यूहरु साथै समाजमा रहनु भएका वडा नं ६,१,४ पल्हिनन्दन ३ का सम्पुर्ण आदरणीय सामाजिक, राजनैतिक बौद्धिक तथा शैक्षिक व्यक्तित्वहरुमा हार्दिक सम्मान गर्न चाहान्छु l

मलाई जुन रुपमा अथवा जुन सोचाईले यहाँ सम्म ल्याउने कोशिस गर्नुभएको छ मैले यहाँहरुको त्यो सोचाई र बुझाईलाई मध्यनजर गर्दै यस कार्यकालका लागि सम्पूर्ण समय खर्चने छु सबै कुरा सबैले जानेको हुँदैन तर पनि हर सम्म जानेका काम गरौंला अनि नजानेको पक्षहरुमा सबैको साथ र सहयोगका लागि हर कदम अपेक्षामा रहने छु

सचिवकाे काम र कर्तव्य के हो भन्ने कुरालाई आत्मसात गर्दै समूहलाई कसरी एक डीक्का बनाउने, वन क्षेत्रको संरक्षण गर्ने , उपभोक्ता हरुका माझमा सा. व. सँग सम्बन्धित व्यावहारिक ज्ञान आदन प्रदान गर्ने, समूहको आर्थिक पक्ष सवल गराउने इत्यादि कार्यहरूमा प्रतिबद्धताका साथ अगाडी बढ्ने कोसिस गर्ने छु l